Ndërsa CEO i Apple, Tim Cook mori një pagë bazë prej 3 milionë dollarësh në vitin 2024 për të tretin vit radhazi, ekzekutivi gjithashtu fitoi shpërblime dhe kompensime të tjera që e çuan pagën e tij totale në rreth 74.6 milionë dollarë vitin e kaluar. Për Cook, kjo përfaqëson një rritje prej 18% nga viti i kaluar. Ndryshe, për të gjithë vitin fiskal 2024, Apple mori pak më pak se 295 miliardë dollarë, që ishte një rënie e lehtë nga 2023.
Fitimet neto të kompanisë gjithashtu ranë nga 97 miliardë dollarë në vitin fiskal 2023 në 93.74 miliardë dollarë në 2024. Nën udhëheqjen e Cook, Apple raportoi një rritje të vogël në shitjet fiskale të iPhone, të cilat u rritën për 0,2% në 201.18 miliardë dollarë. Gjithashtu, aksionet e kompanisë u rritën gjatë vitit nga 191,59 dollarë në 250,42 dollarë. Bëhet e ditur se përveç raportimit të pagës së Cook për vitin 2024, tre drejtues të tjerë të Apple morën secili të njëjtin kompensim.
Viti 2024 ka qenë mjaft i çuditshëm për Apple duke nisur që nga prezantimi i iPhone 16 dhe një mori përditësimesh të softuerit. Por a është koha për të lënë kompaninë? Disa njerëz duket se mendojnë kështu. Mbikëqyrësi i burimeve njerëzore, Carol Surface u largua nga kompania pas më pak se dy vitesh punë atje. Ai raportonte drejtpërdrejt tek CEO i Apple, Tim Cook. Tani, Mark Gurman nga Bloomberg, njoftoi se rekrutuesi kryesor i Apple gjithashtu është larguar nga kompania. Sjoerd Gehring ka punuar në Apple për rreth gjashtë vjet dhe merret me menaxhimin e talenteve, rekrutimin dhe administrimin.
Vendimi i Gehring për t’u larguar mund të jetë në përgjigje të eliminimit të pozicionit të Carol Surface në Apple. CFO i Apple Luca Maestri po largohet gjithashtu nga kompania pas më shumë se 10 vitesh. Duket se strategjia e Tim Cook për të mbajtur investitorët pas vdekjes së Steve Jobs mund të marrë fund. A është ai i radhës? Sipas Gurman, përgjigjja për këtë pyetje është një “jo”. Apple ende mbetet një nga kompanitë më të mëdha në botë me një bazë klientësh shumë besnikë.
